主日感言

13-12-2015 主日感言

對於我來說，這篇主日信息給我感覺就似看一場比賽，一場十王與錫安的比賽。

神開始這個比賽，分左兩隊，好似出面比賽「RED TEAM VS BLUE TEAM」咁，大家在限時之內按題目交功課，題目其實不是玫瑰園計劃，題目是「七節期中的吹角節、贖罪日、住棚節」十王與錫安各展所長，一個用銀彈加委身加信心，一個用單純的心加委身加信心，究竟誰能夠得著神的歡心呢？

有弟兄在主日會後跟我說篇信息好震撼，然後講我們的跟從比十王更厲害，因為十王是知道才做，自己是憑信心做，如果佢真係咁我都恭喜佢，但我內心卻好扎心地省察自己是否又是知道後才做。真正憑信心做是不用聽信息就去做，而家聽左信息先黎做我地同十王又有咩分別，所以比較起上黎，十王果種傾家盪產已經蠃我幾個馬位了，我實在一點果位弟兄擁有的自豪也沒有。

麻麻牧師提到最後黃金五小時，我地能夠把握就能夠就有機會童女變新婦。但我會思想一樣野，當機會並不是臨到一個人，而是臨到一群人，或者我地教會2000人咁計，新婦名額得50個，我到時會點？撲上台自己分享？好似玩音樂椅咁？我覺得到時真係會咁發生，我思考過到時會讓領袖上去分享，因為屬基督的性情就不會去爭，而且我知道有弟兄係空手道黑帶幾多段的又有弟兄從前打泰拳的(講笑而已，佢地信左主唔會用呢D對弟兄既)。但今天一定要做既就係保持呢份雀躍，努力溫習信息、努力分享信息，好好預備果一日既來臨。感謝天父爸爸！